Макинск мектеп-гимназиясындағы облыстық семинар: жаңа тәсілдер және кәсіби шеберлікті шыңдау
Макинск мектеп-гимназиясында «Республикалық «Ауыл жобасы» аясында ғылыми-зерттеу әдісі негізінде оқушылардың оқу жетістіктері мен мұғалімнің кәсіби жетістіктерін арттырудың заманауи құралдарын жобалау» тақырыбында облыстық семинар өтті. Семинар «Powered by NIS ауыл мектебі» республикалық жобасы аясында өтті.
Негізгі спикерлер:
- Сұлушаш Қожахметова - Ақмола облысы білім басқармасының оқу-тәрбие процесі және ғылыми-әдістемелік сүйемелдеу бөлімінің басшысы;
- директорлардың ғылыми-әдістемелік жұмыс жөніндегі орынбасарлары;
- пәндік қауымдастықтардың төрағалары.
Аудандық әдістемелік кабинеттің әдіскері Светлана Артемьева және мектеп директоры Айгүл Әбішева «Powered by NIS ауылд мектебі» жобасын енгізудің практикалық нәтижелерімен бөлісті.
Мектеп-гимназия мұғалімдері ашық сабақтар, мастер-кластар, жобалар көрмесін, сондай-ақ идеялар жәрмеңкесі мен экскурсиялық бағдарламалар ұйымдастырды.
Семинар мұғалімдер арасындағы нәтижелі диалогтың, тәжірибе алмасудың және жаңа шешімдерді іздеудің орнына айналды. Қатысушылар мектептің жоғары кәсібилігін атап өтіп, сабақтарды өткізу мен семинардың ұйымдастыруын жоғары бағалады. Мұндай іс-шаралар ұстаз қауымына жаңа мүмкіндіктер беріп, өңірдегі білім сапасын арттырады.
Қазақстан Президенті Қасым-Жомарт Тоқаев 2019 жылғы Жолдауында өзекті мәселенің бірі – қала мен ауыл мектептері арасындағы білім сапасының алшақтығын атап өтті. Оның басты себебі – ауылдық жерлерде білікті ұстаздар тапшы. Бұған жауап ретінде Назарбаев Зияткерлік мектептері (НЗМ) Білім беру саласын тұрақты дамыту қорымен бірлесіп, еліміздегі барлық балалардың білім алуына тең мүмкіндіктерді жасауға бағытталған «Powered by NIS ауыл мектебі» жобасын қолға алды.
2022 жылы «Қазақстан халқына» қорының қолдауының арқасында жоба «Ауылдық жерлерде тірек мектептердің әлеуетін дамыту» Ауылдағы флагман мектептерінің әлеуетін дамыту» ауқымды бастамасының негізіне айналды. Бүгінге дейін жобаға 140-тан астам мектеп қатысты, 2024 жылға қарай (может 2025 жылдың соңы) олардың санын 200-ге жеткізу жоспарланып отыр.
«Қазақстан халқына» қоры мемлекеттік қолдау шараларын толықтыра отырып, өмірдің негізгі салаларында қазақстандықтардың алдында тұрған өзекті мәселелерді шешу үшін құрылған. Қордың негізгі миссиясы – денсаулық сақтау, білім беру, әлеуметтік қолдау, мәдениет және спорт сияқты салаларда қайырымдылық көмек көрсету.
Білім беру саласындағы басым бағыттарды айқындау кезінде ауылдағы білім сапасын арттыруға ерекше көңіл бөлу қажет екені белгілі болды. Соңғы жылдардағы статистика білім сапасының нашарлағанын растап отыр.