Samsung Electronics және ФУРО Қазақстандағы ауыл мектептерін жаңа техникамен қамтамасыз етеді
Сонымен қатар, серіктестік жоспарына екі арнайы IT-сынып ашу кіреді.
Samsung Electronics Central Eurasia және Білім беру саласын тұрақты дамыту қоры (ФУРО) білім беру жағдайларын жақсарту және ауылдық жерлердегі мектеп оқушылары үшін білімді цифрландыру мақсатында ынтымақтастық туралы меморандумға қол қойды. Бұл аясында бірнеше білім беру жобаларын іске асыру жоспарланған.
Меморандумға қол қою кезінде тараптар ынтымақтастықты одан әрі дамыту, елдегі ауылдық білім беру жағдайы және қала мен ауыл мектептері арасындағы білім беру алшақтығын азайту шараларын талқылады.
«Білім беруді қолдау — Samsung компаниясының корпоративтік-әлеуметтік жауапкершілігінің маңызды бағыттарының бірі. Біздің мақсатымыз — баршаға инновациялар ұсыну, оның ішінде ауылдық аймақ тұрғындарына да. Ауылдық аймақтағы мектеп білімін дамытуға үлес қосу арқылы біз балаларға цифрландыруға бір қадам жақындауға көмектесіп қана қоймай, Қазақстан мен бүкіл әлемдегі технологиялық прогресті жылдамдататын болашақ ұрпақты тәрбиелеуге атсалысамыз. ФУРО-мен серіктестік бізге заманауи білім беру мен болашақ технологиялар саласындағы ортақ мақсаттарға қол жеткізуге мүмкіндік беретініне сенімдіміз», – деді Samsung Electronics Central Eurasia президенті Джонг Юджин (Chung Eugene).
Қазіргі уақытта ФУРО ауылдық жерлердегі оқушыларға оқу материалдарын оңай түсінуге және білім деңгейін арттыруға мүмкіндік беретін Samsung маркалы заманауи мониторлар мен интерактивті білім беру тақталарын ұсынуға белсенді жұмыс жасауда.
Samsung Electronics және ФУРО серіктестігінің тағы бір бағыты – ауылдық оқушыларға бағдарламалауды заманауи Samsung технологияларын қолдана отырып үйренуге мүмкіндік беретін арнайы IT-сыныптарды ашу. Осы жоба үшін ФУРО Samsung Innovation Campus атты компанияның жеке жобасының білім беру бағдарламаларын бейімдейді, бұл бағдарлама IT саласында тегін білім алуға бағытталған.
Бұл Samsung компаниясының білім беру саласындағы алғашқы бастамасы емес. 2017 жылдың желтоқсанынан бастап Қазақстанда Samsung Innovation Campus халықаралық білім беру бағдарламасы іске асырылып, жасанды интеллект (AI), заттар интернеті (IoT), мобильді әзірлемелер және үлкен деректер саласындағы ең сұранысқа ие мамандықтарды тегін меңгеруге көмектеседі. Ал 2019 жылдан бастап Samsung елдегі оқушыларды әлеуметтік маңызы бар мәселелерді шешуге арналған өз жобаларын жүзеге асыруға шақыратын Solve For Tomorrow стартап конкурсын іске қосты.
Қазақстан Президенті Қасым-Жомарт Тоқаев 2019 жылғы Жолдауында өзекті мәселенің бірі – қала мен ауыл мектептері арасындағы білім сапасының алшақтығын атап өтті. Оның басты себебі – ауылдық жерлерде білікті ұстаздар тапшы. Бұған жауап ретінде Назарбаев Зияткерлік мектептері (НЗМ) Білім беру саласын тұрақты дамыту қорымен бірлесіп, еліміздегі барлық балалардың білім алуына тең мүмкіндіктерді жасауға бағытталған «Powered by NIS ауыл мектебі» жобасын қолға алды.
2022 жылы «Қазақстан халқына» қорының қолдауының арқасында жоба «Ауылдық жерлерде тірек мектептердің әлеуетін дамыту» Ауылдағы флагман мектептерінің әлеуетін дамыту» ауқымды бастамасының негізіне айналды. Бүгінге дейін жобаға 140-тан астам мектеп қатысты, 2024 жылға қарай (может 2025 жылдың соңы) олардың санын 200-ге жеткізу жоспарланып отыр.
«Қазақстан халқына» қоры мемлекеттік қолдау шараларын толықтыра отырып, өмірдің негізгі салаларында қазақстандықтардың алдында тұрған өзекті мәселелерді шешу үшін құрылған. Қордың негізгі миссиясы – денсаулық сақтау, білім беру, әлеуметтік қолдау, мәдениет және спорт сияқты салаларда қайырымдылық көмек көрсету.
Білім беру саласындағы басым бағыттарды айқындау кезінде ауылдағы білім сапасын арттыруға ерекше көңіл бөлу қажет екені белгілі болды. Соңғы жылдардағы статистика білім сапасының нашарлағанын растап отыр.