Мұғалімдер медиатехнологияларды меңгеруде: Педагогикалық шеберлік орталығында мектеп телестудияларын құру бойынша семинар басталды!
«Ауылдық жерлердегі тірек мектептердің әлеуетін дамыту» жобасы аясында мұғалімдер мектеп телестудияларын құру және басқару бойынша оқудан өтуде.
Қатысушылар не үйренеді?
• Бейнетүсірілім мен монтаждың негіздері
• Жарық пен дыбыспен жұмыс істеу
• Кәсіби жабдықтарды пайдалану
• Сценарий әзірлеу және медиажобалар жасау
Негізгі назар – тәжірибеде!
Мұғалімдер алған білімдерін бірден іс жүзінде қолданады: командаларда жұмыс істеп, бейнежазба түсіреді, өңдейді және монтаждайды.
Қорытынды кезең – медиажобаларды таныстыру!
Бұл семинар педагогтарға заманауи технологияларды оқыту процесінде қолдануға және сапалы білім беру контентін жасауға көмектеседі.
Қазақстан Президенті Қасым-Жомарт Тоқаев 2019 жылғы Жолдауында өзекті мәселенің бірі – қала мен ауыл мектептері арасындағы білім сапасының алшақтығын атап өтті. Оның басты себебі – ауылдық жерлерде білікті ұстаздар тапшы. Бұған жауап ретінде Назарбаев Зияткерлік мектептері (НЗМ) Білім беру саласын тұрақты дамыту қорымен бірлесіп, еліміздегі барлық балалардың білім алуына тең мүмкіндіктерді жасауға бағытталған «Powered by NIS ауыл мектебі» жобасын қолға алды.
2022 жылы «Қазақстан халқына» қорының қолдауының арқасында жоба «Ауылдық жерлерде тірек мектептердің әлеуетін дамыту» Ауылдағы флагман мектептерінің әлеуетін дамыту» ауқымды бастамасының негізіне айналды. Бүгінге дейін жобаға 140-тан астам мектеп қатысты, 2024 жылға қарай (может 2025 жылдың соңы) олардың санын 200-ге жеткізу жоспарланып отыр.
«Қазақстан халқына» қоры мемлекеттік қолдау шараларын толықтыра отырып, өмірдің негізгі салаларында қазақстандықтардың алдында тұрған өзекті мәселелерді шешу үшін құрылған. Қордың негізгі миссиясы – денсаулық сақтау, білім беру, әлеуметтік қолдау, мәдениет және спорт сияқты салаларда қайырымдылық көмек көрсету.
Білім беру саласындағы басым бағыттарды айқындау кезінде ауылдағы білім сапасын арттыруға ерекше көңіл бөлу қажет екені белгілі болды. Соңғы жылдардағы статистика білім сапасының нашарлағанын растап отыр.