«Болашақ мектептен басталады» – Күләш Шәмшидинова
Білім – қоғамның болашағын құрайтын іргетасы. Бұл саладағы заманауи үрдістер әр оқушының қажеттіліктерін ескеретін білім беру ортасын құру мақсатында цифрландыру мен гуманизацияға бағытталған. Цифрлық технологиялар жаңа мүмкіндіктерді ашады, оқытуды қолжетімді және жан-жақты етеді, балаларды селқос білім алушылардан оқу үдерісінің белсенді қатысушыларына айналдырады.
Алайда, жаңашылдықтардың барлық артықшылықтарына қарамастан, көптеген мектеп оқушылары, әсіресе Қазақстанның шалғай аймақтарында оқитындар мұндай мүмкіндіктен айырылған. Ауыл мектептерінде тұрақты интернет, заманауи оқу құралдары мен технологиялар жиі болмайды. Сондай-ақ білікті ұстаздар жетіспейді, жергілікті ұстаздар қауымы оқытудың инновациялық әдістері мен технологияларын енгізуде жеткілікті қолдауға ие бола бермейді. Бұл мәселелер қала мен ауыл арасындағы білім беру мүмкіндіктерінің алшақтығын күшейте түседі.
Аталған мәселелерді шешу үшін Білім беру саласын тұрақты дамыту қоры құрылды, оның мақсаты – қай жерде тұратынына қарамастан барлық балалар үшін тең сапалы білім алу мүмкіндіктерін қамтамасыз ету. Қор ауылдық және шалғай елді мекендердегі білім сапасын арттыру және заманауи технологиялар мен оқыту әдістерін енгізуге бағытталған бастамаларды қолдайды.
Қор жұмысының басты құндылықтарының бірі – ол бизнес, үкімет және қоғамның күш-жігерін біріктіреді. Бұл жай ғана қаржылық ресурстарды шоғырландыру емес, білім, тәжірибе және құзыреттерді біріктіру. Әрбір қатысушы өзінің бірегей үлесін қосады: кәсіпкерлер - стратегиялық перспектива мен іскерлік көзқарас әкеледі, үкімет өкілдері - қоғамның қажеттіліктерң мен реттеу механизмдерін, ал қоғам өкілдері - білім берудің болашағын қалыптастыратын идеялар мен құндылықтарды әкеледі.
2024 жылы барлық тараптардың пікірін ескеру үшін қордың қамқоршылық кеңесі құрылды. Оның құрамына Премьер-Министрдің кеңесшісі Ералы Тоғжанов, Coventry University Kazakhstan президенті Мирас Дәуленов, экономист Ораз Жандосов және Aitas-Group холдингінің негізін қалаушы Серік Толықпаев кірді. Біз әртүрлі тәжірибелері бар адамдардың біріктірілген көзқарастары тиімді шешімдерді табуға көмектесетін диалог алаңын құрамыз. Бұл тәсіл білім беру жүйесін әртүрлі қырынан қарауға мүмкіндік береді.
Қала мен ауыл арасындағы білімдегі алшақтықты жою ұзақ жол, бірақ түбінде оған жетуге болады. Ол үшін нақты міндеттер және іс-қимыл жоспарымен бекітілген нақты мақсаттың болуы маңызды. Біз Қазақстанда балаларға елдің кез келген жерінде сапалы және жақсы білім алуына жағдай жасауға ұмтыламыз.
Біз бірлесіп, білім беруді еліміздегі өзгерістердің нақты қозғалтқышына айналдыратымызға сенімдімін. Осы игі іске қолдау көрсетіп, үлес қосқаныңыздарыңыз үшін рахмет.
Құрметпен,
Білім беру саласын тұрақты дамыту қоры Қамқоршылық кеңесінің басшысы
Күләш Шәмшидинова
Қазақстан Президенті Қасым-Жомарт Тоқаев 2019 жылғы Жолдауында өзекті мәселенің бірі – қала мен ауыл мектептері арасындағы білім сапасының алшақтығын атап өтті. Оның басты себебі – ауылдық жерлерде білікті ұстаздар тапшы. Бұған жауап ретінде Назарбаев Зияткерлік мектептері (НЗМ) Білім беру саласын тұрақты дамыту қорымен бірлесіп, еліміздегі барлық балалардың білім алуына тең мүмкіндіктерді жасауға бағытталған «Powered by NIS ауыл мектебі» жобасын қолға алды.
2022 жылы «Қазақстан халқына» қорының қолдауының арқасында жоба «Ауылдық жерлерде тірек мектептердің әлеуетін дамыту» Ауылдағы флагман мектептерінің әлеуетін дамыту» ауқымды бастамасының негізіне айналды. Бүгінге дейін жобаға 140-тан астам мектеп қатысты, 2024 жылға қарай (может 2025 жылдың соңы) олардың санын 200-ге жеткізу жоспарланып отыр.
«Қазақстан халқына» қоры мемлекеттік қолдау шараларын толықтыра отырып, өмірдің негізгі салаларында қазақстандықтардың алдында тұрған өзекті мәселелерді шешу үшін құрылған. Қордың негізгі миссиясы – денсаулық сақтау, білім беру, әлеуметтік қолдау, мәдениет және спорт сияқты салаларда қайырымдылық көмек көрсету.
Білім беру саласындағы басым бағыттарды айқындау кезінде ауылдағы білім сапасын арттыруға ерекше көңіл бөлу қажет екені белгілі болды. Соңғы жылдардағы статистика білім сапасының нашарлағанын растап отыр.