Digital Almaty Awards 2025: ауыл мектептерін қолдау жобасы үздік бастама атанды
Білім беру саласын тұрақты дамыту қоры (ФУРО) “ESG және тұрақты даму саласындағы бастамалар” санатында беделді Digital Almaty Awards 2025 жеңімпазы атанды. Ауыл мектептерінің дамуына қосқан үлесі үшін Қор директоры Данияр Тоқтарбаевқа марапатты БҰҰ ЭСКАТО АКТ департаментінің (ESCAP) директоры Тициано Бонопачи табыстады.
Аталған номинацияда ESG қағидаларына негізделген тұрақты даму мақсаттарына қол жеткізуге бағытталған сегіз жоба бақ сынады. Ашық дауыс беру қорытындысы бойынша Білім беру саласын тұрақты дамыту қорының «Ауылдық аймақтардағы тірек мектептердің әлеуетін дамыту» жобасы жеңімпаз атанды. Аталмыш жоба Қазақстанда іске асырылып келе жатқан ең ірі мемлекеттік емес білім беру бастамасы. Бағдарлама қала және ауыл оқушылар арасындағы білім сапасындағы алшақтықты азайтуға бағытталған. Жоба аясында ауыл мектептері жаңғыртылады, ұстаздардың кәсіби біліктілігі арттыру бойынша жұмыс жүргізіледі. Осылайша, мыңдаған балаға жаңа мүмкіндіктерге жол ашылады.
«Жоба 2019 жылы AITAS холдингінің негізін қалаушы Серік Толықпаевтың бастамасымен бес ауылдық мектептен басталды. Ал 2025 жылдың соңына қарай «Қазақстан халқына» қоры, Назарбаев Зияткерлік мектептері және ҚР Үкіметінің қолдауымен Қазақстанның ауылдары мен моноқалаларындағы 200 мектепті қамтимыз. Бизнес, қоғам және мемлекет серіктестігінің арқасында бүгінде Қазақстанның ең шалғай ауылдарының оқушылары сапалы білім алуға қол жеткізуде”, – деді ФУРО директоры Данияр Тоқтарбаев.
Жоба аясында мектептерде робототехника, STEAM, өнер және ТВ-студия кабинеттері ашылып, интернет сапасы жақсарып, цифрлық технологияларды қолдану арқылы мұғалімдер тәжірибе алмасу мүмкіндігіне ие болуда.
ФУРО директоры атап өткендей, Қордың барлық жобасы жеке қайырымдылық қаражаты есебінен қаржыландырылады және тек мемлекеттік мектептерді қолдауға бағытталған.
Digital Almaty Awards 2025 – цифрландыру саласындағы үздік жетістіктерді марапаттайтын дәстүрлі жыл сайынғы сыйлық. Биыл марапаттар сегіз номинация бойынша берілді.
Қазақстан Президенті Қасым-Жомарт Тоқаев 2019 жылғы Жолдауында өзекті мәселенің бірі – қала мен ауыл мектептері арасындағы білім сапасының алшақтығын атап өтті. Оның басты себебі – ауылдық жерлерде білікті ұстаздар тапшы. Бұған жауап ретінде Назарбаев Зияткерлік мектептері (НЗМ) Білім беру саласын тұрақты дамыту қорымен бірлесіп, еліміздегі барлық балалардың білім алуына тең мүмкіндіктерді жасауға бағытталған «Powered by NIS ауыл мектебі» жобасын қолға алды.
2022 жылы «Қазақстан халқына» қорының қолдауының арқасында жоба «Ауылдық жерлерде тірек мектептердің әлеуетін дамыту» Ауылдағы флагман мектептерінің әлеуетін дамыту» ауқымды бастамасының негізіне айналды. Бүгінге дейін жобаға 140-тан астам мектеп қатысты, 2024 жылға қарай (может 2025 жылдың соңы) олардың санын 200-ге жеткізу жоспарланып отыр.
«Қазақстан халқына» қоры мемлекеттік қолдау шараларын толықтыра отырып, өмірдің негізгі салаларында қазақстандықтардың алдында тұрған өзекті мәселелерді шешу үшін құрылған. Қордың негізгі миссиясы – денсаулық сақтау, білім беру, әлеуметтік қолдау, мәдениет және спорт сияқты салаларда қайырымдылық көмек көрсету.
Білім беру саласындағы басым бағыттарды айқындау кезінде ауылдағы білім сапасын арттыруға ерекше көңіл бөлу қажет екені белгілі болды. Соңғы жылдардағы статистика білім сапасының нашарлағанын растап отыр.