Мектеп туралы

Мектеп екі ғимараттан тұрады: негізгі ғимарат 1937 жылы салынған, қосымша ғимарат 2010 жылы пайдалануға берілген. Мектеп жанында интернат жұмыс істейді. Оқыту тілі — аралас, оқу екі ауысымда жүргізіледі. Жалпы 41 сынып-комплект бар. Мұғалімдердің сапалық құрамы – 56%. 2019 жылы қосымша ғимаратқа күрделі жөндеу (қабырғаларды күшейту) жүргізілген.

Қазіргі уақытта мектепте 776 оқушы білім алуда. Жобалық қуаты 550 орын болғанына қарамастан, мектеп аудан орталығындағы ең ірі білім беру ұйымдарының бірі.

Материалдық-техникалық база:
Оқу үдерісі физика, химия және биология пәндеріне арналған зертханалар, информатика кабинеттері, электронды кітапхана мен интерактивті білім беру кеңістіктері сияқты мамандандырылған кабинеттерде ұйымдастырылған. Ұл балаларға арналған металл және ағаш өңдеу шеберханалары мен қыз балаларға арналған тігін шеберханасы оқушылардың практикалық дағдыларын дамытуға бағытталған.

Мектеп заманауи технологиялармен, автономды жылыту жүйесімен және орталықтандырылған сумен жабдықтау жүйесімен қамтылған. Мұнда ерекше білім беру қажеттіліктері бар балаларға бейімделген орта қоса алғанда, барлық оқушылар үшін жайлы жағдай жасалған.